Në Paris, gjatë Esports World Cup, Cristiano Ronaldo dhe presidenti i FIFA-s, Gianni Infantino, u takuan dhe shkëmbyen përshëndetje, por reagimi i Ronaldos pas bisedës tërhoqi menjëherë vëmendjen në rrjetet sociale. Gesti i tij i pakënaqur u interpretua si një shenjë e pakënaqësisë ndaj drejtimit aktual të FIFA-s, në një kohë kur presioni ndaj Infantinos po rritet ndjeshëm. Një grup ish-lojtarësh të njohur, përfshirë Mikaël Silvestre, Emmanuel Petit dhe Lucy Bronze, kanë kërkuar ndryshime rrënjësore në drejtimin e futbollit botëror, duke kritikuar mungesën e konsultimeve me lojtarët dhe tifozët. Presidenti i UEFA-s, Aleksander Čeferin, ka paralajmëruar mundësinë e një rivaliteti në zgjedhjet e FIFA-s në mars 2027, duke përmendur si kandidat të mundshëm Victor Montagliani, ndërsa klima në futboll po bëhet gjithnjë e më e tensionuar.