Major Getoar Rexhepi, oficer i Forcës së Sigurisë së Kosovës, u shpall Kampion Kombëtar i Karatesë në Kampionatin e 27-të Kombëtar të Karatesë, i mbajtur në Pallatin e Sportit “Asllan Rusi” në Shqipëri. Në këtë garë morën pjesë rreth 80 sportistë nga 20 ekipe të ndryshme, duke konkurruar në dy disiplina kryesore, kata dhe kumite. Arritja e Rexhepit thekson përgatitjen dhe disiplinën e lartë të ushtarakëve tanë, të cilët shfaqin sukses edhe në fushën sportive përveç detyrave të tyre në FSK. Ky kampionat përbën ngjarjen më të rëndësishme kombëtare në sportin e karatesë për vitin 2026.