Gianni Infantino është shumë pranë sigurimit të një mandati të katërt si president i FIFA-s, me mbi 200 federata anëtare që e mbështesin zyrtarisht. Ai është kandidati i vetëm për zgjedhjet presidenciale që do të zhvillohen në mars 2027 në Rabat të Marokut, ndërsa afati për paraqitjen e kandidaturave përfundon më 18 nëntor. Mbështetja e gjerë vjen kryesisht nga federatat e Afrikës, Azisë, Amerikës së Jugut dhe CONCACAF, ndërkohë që disa federata evropiane, përfshirë Gjermaninë, nuk kanë dhënë ende përkrahje zyrtare. Pavarësisht polemikave të fundit dhe kritikave nga UEFA për mënyrën e drejtimit të FIFA-s, Infantino mbetet figura kryesore dhe pritet të vazhdojë në krye të organizatës deri në vitin 2031.