Santi Gimenez, sulmuesi meksikan i Milanit, pritet të largohet pas vetëm 18 muajsh në klub, pasi hapësirat e tij janë ngushtuar pas ardhjes së Gonçalo Ramos. Porto ka nisur bisedimet zyrtare me Milanin për huazimin e lojtarit me të drejtë blerjeje për rreth 20 milionë euro, ndërsa trajneri i Portos, Francesco Farioli, ka biseduar vetë me Gimenez, i cili është i hapur ndaj këtij transferimi. Agjentët e sulmuesit janë në kontakt të vazhdueshëm me klubin portugez për të finalizuar detajet e kontratës, ndërsa Milani nuk përjashton mundësinë e sjelljes së një sulmuesi të ri deri në fund të merkatos. Në të njëjtën kohë, kuqezinjtë po punojnë për gjetjen e zëvendësuesit të Zachary Athekame, i cili u huazua te Lyon, me mbrojtësin e djathtë Zakaria El Ouahdi nga Genk si kandidatin kryesor.