Pas organizimit të Kupës së Botës në vitin 2006, Gjermania po përgatitet për një rikthim të mundshëm si nikoqire e këtij eventi të madh futbollistik. Anëtari i bordit të Shoqatës Gjermane të Futbollit, Axel Hellmann, njoftoi se vendi po shqyrton ofertën për të pritur turneun në vitet 2038 ose 2042, në një iniciativë të mbështetur nga presidenti i federatës, Bernd Neuendorf. Megjithatë, vendimi përfundimtar do të varet nga rregulloret dhe kërkesat që FIFA do të publikojë së shpejti. Aktualisht, Gjermania ka nisur përgatitjet paraprake për fushatën e ofertimit, duke pritur detajet për formatin dhe afatet e garës.