Klubi i basketbollit Peja është gjobitur me 1700 euro për shkeljet e bëra gjatë ndeshjes së dytë gjysmëfinale të plejofit ndaj Trepçës, ku u evidentuan tri gjoba nga Komisioni i Garave i FBK-së. Shkeljet përfshijnë ofendime të një grupi tifozësh, përdorimin e muzikës për nxitjen e ofendimeve ndaj lojtarit Drilon Hajrizi dhe ekipit mysafir, si dhe hedhjen e shkrepëseve në drejtim të ekipit mysafir në fund të ndeshjes. Përveç Pejës, me nga 100 euro janë gjobitur edhe basketbollistët Akili Vining i Trepçës dhe Daquan Bracey i Pejës. Pas dy ndeshjeve, rezultati i përgjithshëm është 1:1, ndërsa ndeshja e tretë do të zhvillohet të enjten në Mitrovicë, ku skuadra që fiton tri ndeshje do të kalojë në gjysmëfinale.