Gjoni Palokaj, luftëtari shqiptar me prejardhje nga Velezha e Prizrenit dhe i rritur në Hanover, do të përballet më 11 korrik në Këln me kampionin e peshës pendël Machaev në një duel për titullin e organizatës prestigjioze Oktagon. Meçi ishte shtyrë nga maji për shkak të një lëndimi të Palokajt, por tani të gjitha biletat janë shitur për eventin që pritet të jetë një nga më të mëdhatë të MMA-së në Evropë këtë vit. Palokaj mbetet i pamposhtur në Oktagon me tetë fitore radhazi dhe synon të bëhet shqiptari i parë me nënshtetësi gjermane që fiton një titull të madh në MMA. Kundërshtari i tij, Machaev, i renditur i 53-ti në botë, do të mbrojë për herë të parë titullin pas një nokauti spektakolar, duke sjellë në kafaz një luftëtar me stil agresiv dhe fuqi të madhe në goditje.