Sonte në eventin OKTAGON 91 në Këln, Gjoni Palokaj do të përballet me kampionin Mago Machaev në një duel për titullin e peshës pendël në MMA. Machaev nuk arriti të bëjë peshën e kërkuar, duke qenë 1.2 kg mbi limit në momentin e matjes dhe pas dy orësh kohë shtesë arriti të humbte vetëm 100 gram, duke mbetur 1.1 kg mbi peshën e lejuar. Për shkak të kësaj, organizata Oktagon ia hoqi rripin e kampionit Machaevit, duke vendosur që edhe nëse ai fiton ndeshjen, nuk do të mund ta rikthejë titullin. Trajneri i Palokajt, David Palokaj, pranoi që ndeshja të zhvillohej pavarësisht situatës, duke i dhënë mundësinë Gjonit të fitojë rripin nëse triumfon. Në rast humbjeje nga ana e Gjonit, rripi i kampionit do të mbetet vakant.