UEFA ka deleguar gjyqtarin ndërkombëtar nga Kosova, Genc Nuza, si arbitrin kryesor në ndeshjen e raundit të dytë kualifikues të UEFA Conference League mes skuadrës belge KAA Gent dhe ekipit ukrainas LNZ Cherkasy. Ndeshja do të zhvillohet më 30 korrik në stadiumin KAA Gent Arena në Ghent, me fillim nga ora 20:30. Nuza do të asistojë nga dy gjyqtarë të tjerë kosovarë, Fatmir Sekiraqa dhe Pashtrik Burrniku, ndërsa gjyqtar i katërt do të jetë Erdall Zasella. Ky delegim i ri nga UEFA tregon besimin e vazhdueshëm në profesionalizmin dhe përgatitjen e gjyqtarëve kosovarë në arenën ndërkombëtare të futbollit, duke i vlerësuar ata si pjesë të rëndësishme të garave evropiane. Federata e Futbollit e Kosovës i ka uruar sukses ekipit të gjyqtarëve në këtë sfidë të rëndësishme.