Një ngjarje e pazakontë dhe e rrallë ndodhi në ligën e dytë turke gjatë ndeshjes mes Bursasporit dhe Istanbulsporit, ku gjyqtari Ayberk Demirbas akordoi pozicion jashtë loje menjëherë pas një rivënie anësore, një vendim që shkel rregullat themelore të futbollit. Ky gabim shkaktoi protesta të ashpra nga lojtarët e Istanbulsporit, të cilët u indinjuan për vendimin e padrejtë. Përpjekjet e arbitrit për të korrigjuar situatën me një goditje indirekte nuk e zbutën situatën, ndërsa Bursaspori përfitoi dhe fitoi ndeshjen me rezultatin 4-0, duke u ngjitur në vendin e dytë në tabelë. Nga ana tjetër, Istanbulspor vazhdon të ketë vështirësi, duke u pozicionuar në vendin e parafundit me vetëm dy pikë pas pesë xhirove.