KB Bashkimi ka marrë një lajm të rëndë para vazhdimit të serisë finale të plejofit ndaj Trepçës, pasi organizatori amerikan Kyan Anderson ka pësuar një lëndim që e mban jashtë ndeshjeve të mbetura të këtij edicioni. Pas kontrolleve mjekësore të kryera pas ndeshjes së fundit, klubi njoftoi se Anderson nuk do të jetë i gatshëm për të ndihmuar skuadrën në përballjet e ardhshme. Aktualisht, Trepça udhëheq serinë finale me rezultat 2-0 dhe është vetëm dy fitore larg titullit kampion. Ndeshja e tretë zhvillohet nesër në mbrëmje në Prizren, ku Bashkimi do të përpiqet të reagojë pavarësisht mungesës së një prej lojtarëve kryesorë.