Sulmuesi spanjoll Gonzalo Garcia është transferuar zyrtarisht nga Real Madridi te Fulham, duke nënshkruar një kontratë pesëvjeçare me klubin londinez, me opsion për një vit shtesë. Fulham do të paguajë rreth 40-42 milionë euro për 70% të të drejtave të lojtarit, ndërsa Real Madridi do të mbajë 30% të mbetur, duke çuar vlerën totale të transferimit në afërsi të 60 milionë eurove. Garcia, i rritur në akademinë e Real Madridit dhe me një sezon të shkëlqyer në ekipet e të rinjve, shprehu entuziazmin e tij për sfidën e re dhe falënderoi trajnerin Álvaro Arbeloa, me të cilin ka punuar më parë te Reali. Klubi madrilen falënderoi sulmuesin për kontributin e tij dhe theksoi se dera e Realit do të mbetet gjithmonë e hapur për të.