Selektori i Zvicrës, Murat Yakin, ka konfirmuar se Granit Xhaka do të vazhdojë të luajë për kombëtaren edhe pas Kampionatit Botëror që do të mbahet në SHBA, Kanada dhe Meksikë. Yakin e përshkruan Xhakën si një lider të lindur, i cili përfiton nga roli i kapitenit dhe që nuk ndjen presion, por përkundrazi performon më mirë në fushë. Ai ka komentuar edhe kalimin e Xhakës te Sunderland, duke e cilësuar këtë si një sfidë të rëndësishme për zhvillimin e tij dhe përvojën që do t’i shërbejë në të ardhmen, sidomos nëse ai do të bëhet trajner. Selektori thekson se Xhaka është ende në nivel të lartë dhe se vendimi për të qëndruar në kombëtare pas Botërorit është i bazuar në besimin e tij për kapacitetet e mesfushorit.