Granit Xhaka ka vazhduar me paraqitje të shkëlqyera te Sunderland në fillim të sezonit të ri të Premier League. Ai ishte një nga lojtarët më të dalluar në fitoren 1:0 ndaj Fulhamit në xhiron e dytë, duke marrë notën 8.4 dhe duke u përfshirë në formacionin më të mirë të javës nga “Sofascore”. Kjo është një njohje e rëndësishme për mesfushorin 33-vjeçar, i cili ka kontratë me Sunderlandin deri në vitin 2028. Pas dy ndeshjeve të para, Sunderland ka fituar 3 pikë, ndërsa Xhaka ka luajtur plotësisht 180 minuta, duke treguar konsistencë dhe ndikim në skuadër.