Granit Xhaka është nominuar për çmimin prestigjioz “Transferimi i Sezonit” në Premier League, falë paraqitjeve të tij të shkëlqyera me Sunderlandin gjatë sezonit 2025/2026. Mesfushori shqiptar ka luajtur 34 ndeshje, ka shënuar një gol dhe ka dhënë gjashtë asistime, duke qenë një nga liderët kryesorë të skuadrës. Sunderland, pas rikthimit në elitën angleze, arriti të sigurojë kualifikimin për në Ligën e Evropës, një sukses ku Xhaka luajti rol kyç si kapiten dhe udhëheqës në fushë. Konkurrenca për këtë çmim është e fortë, me emra të njohur të futbollit, ndërsa përzgjedhja për fituesin përfshin edhe votat e publikut.