Granit Xhaka, kapiteni i Sunderlandit, pritet të mbetet një figurë kyçe në skuadër edhe sezonin e ardhshëm, pavarësisht interesimit të Beshiktashit nga Turqia. Klubi turk po monitoron nga afër situatën dhe e sheh 33-vjeçarin si përforcimin ideal për mesfushën e tyre. Megjithatë, Xhaka po shqyrton mundësinë e largimit nga Sunderland pas vetëm një sezoni, edhe pse ka kontratë deri në vitin 2028. Ai është i hapur ndaj një kalimi në Superligën turke, ku ka marrë referenca pozitive për klubin dhe futbollin lokal, ndërsa në sezonin e parë në Angli ka shënuar 1 gol dhe ka dhënë 6 asistime në 32 ndeshje, duke u bërë lider i ekipit.