Granit Xhaka do të jetë titullar për Sunderlandin në ndeshjen e sotme kampionale kundër Leeds United në Premier League, duke udhëhequr skuadrën si kapiten. Kjo është ndeshja e tij e dytë rresht që luan prej minutës së parë pas rikthimit nga lëndimi, dhe do të shënojë paraqitjen e tij të 25-të në kampionat këtë sezon, ku ka shënuar një gol dhe ka dhënë pesë asistime. Sunderland vjen në këtë përballje në një moment të vështirë, pasi në katër ndeshjet e fundit ka regjistruar tri humbje dhe një barazim, duke zënë vendin e 12-të në tabelë me 37 pikë. Leeds United ndodhet tri pozita më poshtë në renditje, duke e bërë këtë ndeshje një duel të rëndësishëm për të dyja skuadrat në xhiron e 29-të të Premier League.