Komiteti Olimpik Ndërkombëtar (IOC) ka prezantuar një grant të ri me vlerë 10 mijë dollarë për çdo sportist që merr pjesë në Lojërat Olimpike, duke filluar nga Lojërat Dimërore Milano Cortina 2026. Ky fond prej 140 milionë dollarësh për cikël olimpik synon të mbështesë rritjen dhe tranzicionin e karrierës së atletëve, pa u bazuar në arritjet e medaljeve. Komiteti Olimpik i Kosovës ka bërë të ditur se ky është një njohje për përkushtimin dhe sakrificat e sportistëve gjatë rrugëtimit të tyre olimpik. Kryetari i Komisionit të Atletëve të IOC-së, Pau Gasol, theksoi se kjo iniciativë është një hap i rëndësishëm për të vlerësuar gjithëpërfshirjen e sportistëve në Lojërat Olimpike.