Ministri i Sportit dhe Rinisë, Blerim Gashani, priti në takim atleten e shquar kosovare Gresa Bakraqi për t’i uruar arritjet e saj të fundit në arenën ndërkombëtare. Gresa fitoi medaljen e argjendtë në Kampionatin Evropian të Shteteve në Zhvillim në Monako dhe dy medalje të argjendta në Kampionatin Ballkanik në Volos, ku gjithashtu vendosi rekord shtetëror në garën e 5000 metrave. Në “Challenge Meeting” në Celje të Sllovenisë, ajo u shpall kampione dhe theu rekordin shtetëror në distancën 1 milje, duke konfirmuar statusin e saj si një nga atletet më të suksesshme të Kosovës. Këto rezultate përfshijnë tetë medalje ballkanike në kategorinë seniore dhe tregojnë përkushtimin dhe punën e palodhur të saj në promovimin e sportit kosovar në nivel ndërkombëtar.