Pep Guardiola pritet të refuzojë ofertën për të marrë drejtimin e Kombëtares së Italisë, kryesisht për shkak të kërkesës së tij për një pagë prej rreth 20 milionë eurosh në vit, një shumë dyfish më e lartë se ajo që Federata Italiane e Futbollit ishte e gatshme të ofronte. Presidenti i Federatës, Gabriele Gravina, ka pranuar kontaktet me trajnerin spanjoll dhe ka sugjeruar mundësinë e përjashtimeve financiare për ta bindur atë, por kërkesa e lartë mbetet pengesa kryesore.