Pep Guardiola nuk do të marrë drejtimin e asnjë klubi apo kombëtareje gjatë sezonit 2026/27, duke mohuar kështu raportimet për një ofertë të majme nga Trabzonspori i Turqisë. Sipas agjentit të tij, trajneri spanjoll nuk ka plane për rikthim në pankinë këtë sezon, duke hedhur poshtë edhe mundësinë e bashkëpunimit me Mohamed Salah në klubin turk. Trabzonspori kishte pretenduar se i kishte ofruar Guardiolës një pagë prej 13 milionë eurosh në sezon, një shumë e konsiderueshme, por ende më e ulët se ajo që trajneri merrte te Manchester City. Megjithatë, kjo mund të mos jetë fundi i mundësive të tij në Turqi, pasi vendimi aktual vlen vetëm për sezonin që vjen dhe e ardhmja mbetet e hapur.