Pep Guardiola ka vendosur t’i japë një ditë pushim lojtarëve të Manchester Cityt para ndeshjes së kthimit në 1/8 e finales së Ligës së Kampionëve ndaj Real Madridit. Trajneri anuloi stërvitjen e zakonshme një ditë para sfidës, duke ndryshuar rutinën e skuadrës dhe duke preferuar që futbollistët të përgatiten në mënyrë më relaksuese. Kjo praktikë nuk është e zakonshme në Ligën e Kampionëve, por Guardiola e ka përdorur më parë me sukses, si në përballjen me Borussia Dortmund, ku City fitoi 4-1. Ndeshja e kthimit do të zhvillohet më 17 mars në stadiumin “Etihad”, ku Manchester City do të tentojë të përmbysë humbjen 3-0 të pësuar në “Santiago Bernabeu”.