Trajneri i Manchester City, Pep Guardiola, ka deklaruar se skuadra e tij nuk do të heqë dorë nga gara për titull në Ligën Premier, pavarësisht diferencës prej nëntë pikësh me liderin Arsenal. Pas barazimit 1-1 ndaj West Ham United, Guardiola theksoi se ekipi ka një ndeshje më pak dhe do të luftojë deri në fund të sezonit 2025/26. Ai shprehu besimin në shpirtin luftarak të skuadrës dhe theksoi se gjithçka mbetet e hapur, duke shtuar se nëse nuk do të jetë e mundur të fitojnë titullin, do të përgëzojnë kampionin. Arsenal ka mundësinë të sigurojë titullin nëse grumbullon edhe 16 pikë në ndeshjet e mbetura, pavarësisht rezultateve të Manchester City.