Tradita e kërcimeve nga “Ura e Fshajt” në Gjakovë, që ka mbushur 78 vjet, vazhdon të tërheqë garues dhe spektatorë nga rajoni dhe më gjerë, duke kombinuar guximin, adrenalinën dhe kulturën lokale. Në edicionin e këtij viti, dhjetëra garues sfiduan lartësinë prej rreth 20 metrash mbi lumin Drini i Bardhë, ndërsa garat u zhvilluan në tri disiplina, përfshirë stilin dallëndyshe që ka një histori të veçantë, sidomos për femrat pjesëmarrëse.