Luftëtari shqiptar Gzim Selmani, i njohur si “The Albanian Psycho”, debutoi me sukses në organizatën e boksit pa doreza BKFC në Newcastle, duke fituar me nokaut brutal në raundin e dytë kundër britanikut Daniel Curtin. Megjithëse fillimisht u rrëzua nga kundërshtari, Selmani u rikthye fuqishëm duke rrëzuar tri herë Curtinin gjatë raundit të parë dhe përfundoi me një nokaut të shpejtë në raundin e dytë, vetëm 22 sekonda pas fillimit. Paraqitja e tij tërhoqi vëmendjen dhe simpatinë e yllit të MMA-së dhe bashkëpronar në BKFC, Conor McGregor, i cili shpërndau videon e fitores në Instagram dhe e përshkroi Selmanin si “The REAL DEAL”. Pas fitores, Selmani mbajti një fjalim provokues për publikun, duke deklaruar se është këtu për të qëndruar në sportin më brutal dhe më të çmendur luftarak.