Kombëtarja e Haitit është bërë ekipi i parë që eliminohet zyrtarisht nga Kupa e Botës 2026, pas humbjes 3-0 ndaj Brazilit në Philadelphia. Ky është Botërori i parë për Haitin që nga viti 1974, por skuadra nuk arriti të përballojë cilësinë e brazilianëve, duke pësuar humbjen e dytë radhazi në fazën e grupeve dhe duke mbetur pa pikë. Matheus Cunha shënoi dy gola për Brazilin, ndërsa Vinicius Junior shtoi një tjetër, duke siguruar tri pikë të rëndësishme për skuadrën e trajnerit Carlo Ancelotti. Me këtë rezultat, Brazili forcon pozitat në grupin C dhe është shumë pranë kualifikimit në fazën tjetër, ndërsa Haiti përfundon aventurën e saj në Botëror pa asnjë shans për të vazhduar më tej.