Hakan Çalhanollu është shumë pranë një transferimi te Fenerbahçe, nëse kandidati për president të klubit, Hakan Safi, fiton zgjedhjet e së dielës. Agjenti i lojtarit, Gordon Stipiç, ka konfirmuar se ka arritur një marrëveshje paraprake me Safin dhe se bisedimet janë zhvilluar në një atmosferë besimi dhe miqësie të gjatë. Ndërkohë, vetë Safi ka nxitur spekulimet me një video ku njofton transferimin e Çalhanollut te Fenerbahçe, duke ndezur reagime të shumta në rrjetet sociale. Kjo lëvizje ka shkaktuar zemërim te tifozët e Galatasarayt, skuadër që Çalhanollu e ka mbështetur që nga fëmijëria dhe ku ishte i gatshëm të rikthehej duke pranuar edhe ulje page.