Harry Kane, sulmuesi i Bayern Munichut, ndodhet në një moment kyç të karrierës së tij me vetëm një vit të mbetur në kontratë. Ai është në formë të jashtëzakonshme, me 98 gola në 94 ndeshje në Bundesliga dhe ka fituar dy tituj radhazi, por ende nuk ka rinovuar marrëveshjen me klubin gjerman. Sipas mediave spanjolle, Barcelona dhe trajneri Hansi Flick e kanë përfshirë Kane në listën e sulmuesve të mundshëm për merkaton e verës, së bashku me João Pedro dhe Julián Álvarez. Pas Botërorit, ku do të luajë me Anglinë, vendimi i Kane për të kërkuar një sfidë të re apo për të qëndruar te Bayern pritet të jetë një nga temat kryesore të merkatos së ardhshme.