Bayerni i Munihut ka fituar Kupën e Gjermanisë në futboll pas një triumfi bindës 3:0 ndaj Stuttgartit në finalen e zhvilluar në “Olympiastadion” në Berlin. Ylli i ndeshjes ishte sulmuesi anglez Harry Kane, i cili realizoi një het-trik duke shënuar në minutat e 55-të, 80-tën dhe 90+2 nga penalltia. Ky sukses vjen pas titullit të kampionit dhe i shton Bayernit edhe një trofe të rëndësishëm në sezonin e tyre të suksesshëm. Stuttgart u përpoq me të gjitha forcat për të ndryshuar fatin e ndeshjes, por nuk arriti të sfidonte dominimin e kampionëve bavarezë.