Federata e Hendbollit e Kosovës ka publikuar listat e hendbollisteve dhe hendbollistëve të rinj të ftuar për NLB Kampin Veror, që do të mbahet nga 29 qershori deri më 5 korrik në "Loyola-Gymnasium" në Prizren. Në kamp marrin pjesë hendbolliste 14-vjeçare e më të reja, përfshirë edhe portierët e talentuar që do të stërviten nën drejtimin e trajnerëve specialistë. Po ashtu, pjesë e kampit janë edhe lojtarët e Kombëtares U18, të cilët po përgatiten për Kampionatin Evropian në Gjeorgji gjatë gushtit. Ky kamp përbën një hap të rëndësishëm në zhvillimin e brezit të ri të hendbollistëve kosovarë, me një program të ngjeshur stërvitjesh dhe aktivitete që synojnë përgatitjen e tyre për sfidat e ardhshme.