Hendbollistet e Kombëtares së Kosovës kanë udhëtuar drejt Zagrebit për të zhvilluar ndeshjen e fundit eliminatore për Euro 2026 kundër Kroacisë, që do të luhet të dielën në orën 18:00. Ekipi përbëhet kryesisht nga lojtare të reja, shumica prej tyre debutuese dhe me pak përvojë ndërkombëtare, duke e bërë këtë ndeshje një mundësi të rëndësishme për zhvillimin e tyre profesional. Pas ndeshjes së fundit ndaj Francës, ku u panë periudha pozitive nga vajzat e reja, stafi teknik dhe lojtaret janë të fokusuar për të dhënë maksimumin në sfidën ndaj Kroacisë, një ekip me përvojë dhe cilësi të lartë. Pas mbërritjes në Zagreb, Kombëtarja ka zhvilluar stërvitje përgatitore në palestrën Jelkovec, duke u përgatitur intensivisht për këtë duel vendimtar në fazën eliminatore.