Trajneri i Hoffenheimit, Christian Ilzer, shprehu kënaqësinë për rikthimin e mesfushorit Leon Avdullahu nga lëndimi, i cili ka stërvitur me ekipin gjatë gjithë javës dhe luajti pjesërisht në ndeshjen kundër Mainzit. Ai theksoi rëndësinë e minutave të Avdullahut në fushë dhe se do të vendosë pas stërvitjes nëse ai do të jetë titullar apo do të vijë nga stoli në ndeshjen e radhës ndaj Augsburgut. Ndeshja Hoffenheim – Augsburg do të zhvillohet të premten në orën 20:30 dhe i përket xhiros së 29-të të Bundesligës gjermane. Përveç Avdullahut, Hoffenheimi mbështetet edhe në dy futbollistët e Kosovës, Fisnik Asllani dhe Albian Hajdari, të cilët pritet të jenë titullarë në këtë përballje.