Holanda pësoi një humbje surprizuese 0-1 në miqësoren e zhvilluar në stadiumin “De Kuip” në Rotterdam, duke u mundur nga Algjeria. Golin e vetëm të ndeshjes e shënoi Anis Hadj Moussa vetëm katër minuta para fundit të takimit, duke i dhënë fitoren skuadrës algjeriane. Të dyja kombëtaret janë pjesëmarrëse në Botërorin 2026, ku Holanda do të përballet në grup me Japoninë, Suedinë dhe Tunizinë, ndërsa Algjeria do të sfidojë Argjentinën, Austrinë dhe Jordaninë. Pavarësisht formacionit të saj më të mirë, Holanda nuk arriti të marrë fitoren dhe do të përballet së shpejti me Uzbekistanin në ndeshjen tjetër përgatitore.