Matthijs de Ligt nuk do të marrë pjesë në Kupën e Botës 2026 për shkak të një operacioni në shpinë, që do ta mbajë jashtë fushës për disa muaj. Lajmin e bëri të ditur gazetari Fabrizio Romano, ndërsa vetë mbrojtësi holandez shprehu zhgënjimin e tij për mungesën në turneun më të rëndësishëm. Ai theksoi se operacioni ishte i domosdoshëm pas një periudhe gjashtë mujore trajtimi dhe se do të punojë fort për t’u rikthyer sa më shpejt. Mungesa e De Ligt konsiderohet një humbje e madhe për Holandën, e cila do të duhet të përballet pa një nga mbrojtësit e saj kryesorë në Botërorin e ardhshëm.