Igball Jashari, nipi i komandantit legjendar Adem Jashari, pritet të jetë përforcimi i parë i skuadrës së Dritës gjatë afatit kalimtar veror. Sipas raportimeve të fundit, ai do të largohet nga Drenica dhe do t’i bashkohet ekipit gjilanas, një lajm që është konfirmuar edhe nga faqja e tifozëve “Since 1947”. Jashari ka shënuar një sezon të shkëlqyer me Drenicën, duke qenë një nga lojtarët kyç të skuadrës. Ky transferim pritet të forcojë ndjeshëm rreshtat e Dritës për sezonin e ardhshëm.