Igball Jashari, futbollisti i ri kosovar, ka firmosur kontratë afatgjate me kampionin aktual të Superligës, FC Drita. Ai është transferuar nga Drenica, ku pati një sezon të shkëlqyer duke shënuar pesë gola dhe dhënë katër asiste, duke u bërë një prej lojtarëve kyç të skuadrës. Jashari, 20 vjeç, është gjithashtu pjesë e rëndësishme e Kombëtares U21 të Kosovës dhe pritet të luajë një rol të rëndësishëm te Drita, e cila do të marrë pjesë në kualifikimet e Ligës së Kampionëve në sezonin e ri. Klubi gjilanas e ka përshëndetur me entuziazëm dhe i ka uruar shumë suksese në fanellën bardhekaltër.