Igli Tare pritet të largohet nga Milani në fund të sezonit 2025/26, duke i dhënë fund bashkëpunimit të tij me klubin kuqezi pas vetëm një viti. Largimi i tij vjen pas një periudhe të vështirë për Milanin, ku raportet mes Tares dhe drejtuesve janë krisur, ndërsa rezultatet zhgënjyese dhe merkatoja e verës së kaluar kanë ndikuar në këtë vendim. Situata e brendshme është komplikuar edhe nga tensionet mes këshilltarit Zlatan Ibrahimović dhe trajnerit Massimiliano Allegri, që kanë hedhur hije mbi organizimin e klubit. Milan po përgatitet për ndryshime të mëtejshme, duke përfshirë edhe vendimin për të ardhmen e trajnerit Allegrit, ndërsa kërkon qartësi para afatit kalimtar të verës që pritet të jetë vendimtar.