Interi dhe trajneri Cristian Chivu kanë vendosur të shtyjnë diskutimet për vazhdimin e kontratës deri pas finales së Kupës së Italisë, për të mos shpërqendruar skuadrën në momentin vendimtar. Klima mes palëve është shumë pozitive, dhe ekziston bindja se bashkëpunimi do të vazhdojë përtej kontratës aktuale, pasi Chivu ka bindur klubin me menaxhimin e skuadrës gjatë sezonit. Pas finales, trajneri do të diskutojë edhe projektin për sezonin e ardhshëm, duke përfshirë merkaton dhe integrimin e talenteve nga ekipi U-23. Presidenti Beppe Marotta ka shprehur besimin e madh ndaj Chivut, duke lënë të kuptohet se trajneri do të jetë një figurë kyçe për të ardhmen e klubit.