Pronari i Inter Miami, Jorge Mas, ka konfirmuar se kompensimi total i Lionel Messit arrin nga 70 deri në 80 milionë dollarë në vit. Kjo shumë përfshin pagën, bonuse dhe një pjesë aksionesh në klub, që mund ta bëjnë Messin bashkëpronar të Inter Miamit pas përfundimit të karrierës së tij. Mas thekson se për të mbajtur një lojtar me vlerën e Messit, klubi ka nevojë për sponsorë të fuqishëm dhe të nivelit botëror. Që nga transferimi i Messit në vitin 2023, ai ka pasur ndikim të madh jo vetëm në fushë, por edhe në aspektin komercial të klubit dhe të ligës amerikane Major League Soccer.