Interi po intensifikon negociatat me Tottenhamin për transferimin e mbrojtësit anglez Djed Spence, i cili shihet si pasuesi ideal i Denzel Dumfries në ekipin zikaltër. Klubi italian ka ofruar deri tani 30 milionë euro, ndërsa Tottenham kërkon rreth 35 milionë euro plus bonuse, me shpresën që marrëveshja të mbyllet brenda 15 gushtit. Spence ka dhënë pëlqimin e tij për kalimin në Serie A dhe trajneri Cristian Chivu e mbështet fuqimisht për shkak të forcës fizike dhe aftësisë së tij për të luajtur në të dy krahët. Situata financiare e Interit mund të përmirësohet nga largimet e mundshme të lojtarëve si Luis Henrique dhe Davide Frattesi, që do të ndihmonin në finalizimin e këtij transferimi.