Kristjan Asllani, mesfushori i Interit dhe i Kombëtares shqiptare, pritet të largohet nga skuadra zikaltër gjatë këtij muaji, por do të mbetet në kampionatin italian. Klubi i Sassuolos ka shfaqur interes të madh për Asllanin, duke e konsideruar atë zëvendësimin ideal për mesfushorin e dëmtuar Ismael Kone. Interi është i gatshëm ta shesë lojtarin me një vlerë rreth 10 milionë euro dhe po pret ofertën zyrtare nga Sassuolo. Aktualisht Asllani ndodhet në fazën përgatitore me Interin në Gjermani, por nuk bën pjesë në planet e trajnerit Christian Chivu, ndërsa sezonin e kaluar ishte i huazuar te Torino dhe Beshiktashi.