Inter Milan ka identifikuar mesfushorin Curtis Jones si prioritet për afatin kalimtar veror dhe ka nisur bisedimet me Liverpoolin për transferimin e tij. Oferta e parë prej 20 milionë eurosh është konsideruar e ulët nga klubi anglez, i cili vlerëson më lart lojtarin 24-vjeçar. Curtis Jones është i hapur për një kalim në Serie A, pasi roli i tij në skuadrën e Liverpoolit është reduktuar nën drejtimin e trajnerit Arne Slot. Megjithatë, negociatat janë ende në faza të hershme dhe nuk ka një marrëveshje të afërt, ndërsa Interi kërkon një formulë që do të bindë klubin anglez për largimin e talentit të akademisë së tij.