Interi është vetëm një pikë larg sigurimit matematik të titullit të 21-të në Serie A, ndërsa sonte luan në “San Siro” ndaj Parmës në një ndeshje historike që mungon prej 37 vitesh. Pas barazimit të Napolit, zikaltrit kërkojnë të mbyllin çdo llogari përballë tifozëve të tyre, me stadiumin plot dhe koreografi speciale që presin një atmosferë të jashtëzakonshme. Lautaro Martinez ka kërkuar të luajë disa minuta në fund të takimit për të përjetuar emocionet e fitores së mundshme. Megjithatë, festimi zyrtar i trofeut do të ndodhë pas ndeshjes së fundit ndaj Veronës, ku do të dorëzohet edhe Scudetto, ndërsa skuadra mund të përfundojë sezonin me një dopietë nëse fiton edhe Kupën e Italisë ndaj Lazios.