Interi po përgatitet të rikthejë ofertën për mesfushorin e Liverpoolit, Curtis Jones, pas tentativës së dështuar në janar. Klubi italian e ka identifikuar Jonesin si zëvendësues ideal, ndërsa marrëveshja e mundshme përfshin një blerje të menjëhershme me një shumë më të ulët se ajo e planifikuar më parë. Mesfushori 25-vjeçar, i cili ka kontratë me Liverpoolin deri në qershor 2027, ka dhënë sinjalin pozitiv për transferimin në “San Siro”. Tani mbetet që klubet të bien dakord për kushtet, ndërsa situata e Davide Frattesi duket gjithashtu e paqartë për shkak të mungesës së minutave të lojës.