Interi nuk heq dorë nga dëshira për të transferuar mesfushorin Curtis Jones nga Liverpooli dhe ka rifilluar kontaktet direkte me klubin anglez. Pas dy ofertave të refuzuara prej 20 dhe 25 milionë eurosh, klubi italian po planifikon një ofertë të re rreth 35 milionë euro për yllin që ka hyrë në dy vitet e fundit të kontratës së tij. Liverpooli e vlerëson Jonesin rreth 40 milionë euro dhe deri tani nuk ka bisedime për rinovimin e kontratës, ndërsa mesfushori mbetet një figurë kyçe për skuadrën dhe i vetmi futbollist vendas në ekipin e parë. Shitja e tij do të sillte një fitim të plotë financiar për klubin anglez, ndaj çdo ofertë serioze do të shqyrtohet me kujdes.