Christian Chivu, trajneri aktual i Interit, pritet të firmosë një kontratë të re që do ta mbajë në stolin e klubit deri në vitin 2029, me opsion vazhdimi edhe për një vit tjetër deri në 2030. Kontrata e re do të shoqërohet me një dyfishim të pagës së tij, nga 2.5 milionë euro në rreth 5 milionë euro në vit, duke e vendosur atë ndër trajnerët më të paguar në Itali. Ky rinovim vjen pas një sezoni shumë të suksesshëm, ku Interi po marshon drejt titullit të kampionit në Serie A, një arritje e rrallë që mund të ndodhë vetëm për herë të pestë në historinë 118-vjeçare të klubit. Drejtuesit e Interit kanë vendosur të shpërblejnë punën e mirë të Chivut, duke e konfirmuar si pjesë kyçe të projektit të ardhshëm të klubit.