Interi po shqyrton ndryshime të mëdha në strategjinë e merkatos verore në rast se Luis Henrique largohet nga skuadra. Në vend që të kërkojë një lojtar të profilit të njëjtë për krahun e djathtë, klubi mund të përqendrohet në përforcimin e repartit ofensiv me një futbollist më fleksibël, që mund të luajë në pozicione të ndryshme sulmuese. Largimi i brazilianit mund t’i hapë rrugë investimeve të reja, ndërsa skuadra ka pasur një merkato aktive, por ka dështuar në disa objektiva si Marco Palestra dhe Nico Paz. Në këtë situatë, Interi mund të përdorë fondet nga shitja e Luis Henrique për të sjellë një armë të re në sulm, duke ndryshuar kështu prioritetet e tij në fazën përfundimtare të merkatos.