Interi ka fituar bindshëm ndaj Cagliarit me rezultatin 3:0 në javën e 33-të të Serie A, duke u shkëputur edhe më shumë në krye të tabelës. Golat u shënuan nga Marcus Thuram në minutën e 52-të, Nicolo Barella në të 56-tën dhe Piotr Zielinski në kohën shtesë të ndeshjes, duke siguruar një fitore të rëndësishme për “nerazzurrët”. Me këtë fitore, Interi ka grumbulluar 78 pikë, 12 më shumë se Napoli që ndodhet në vendin e dytë dhe ka një ndeshje më pak për të luajtur. Ndërkohë, Cagliari vazhdon të luftojë për mbijetesë në vendin e 16-të me 33 pikë, ndërsa portieri Alen Sherri ishte në bankën rezervë gjatë kësaj ndeshjeje.