Interi po planifikon ndryshime të rëndësishme në repartin e mbrojtjes për sezonin e ardhshëm, duke synuar të sjellë në skuadër mbrojtësin e Manchester Cityt, Nathan Ake. Ky i fundit i është ofruar klubit zikaltër nga ndërmjetës të merkatos, ndërkohë që disa lojtarë të mbrojtjes aktuale si Francesco Acerbi, Matteo Darmian dhe Stefan de Vrij pritet të largohen. Ake, 31 vjeç, do të sillte përvojë të madhe në mbrojtje dhe mund të ribashkohej me Manuel Akanjin, i cili është tashmë pjesë e Interit. Transferimi i Ake shihet si një mundësi e favorshme për Manchester Cityn, që dëshiron të shmangë humbjen e tij si lojtar i lirë në të ardhmen.