Pas fitimit të titullit të 21-të në Serie A, Interi po planifikon një goditje të madhe në merkato duke synuar talentin argjentinas Nico Paz, i cili ka shkëlqyer me Como në dy sezonet e fundit. Klubi zikaltër ka një buxhet prej 40 deri në 45 milionë euro për verën, i cili mund të plotësohet nga shitjet e mundshme, përfshirë transferimin e Alessandro Bastonit te Barcelona. Megjithatë, situata e Paz është e ndërlikuar, pasi Real Madrid ka një opsion rikthimi për lojtarin, dhe e ardhmja e tij do të varet nga vendimet e trajnerit të ri të klubit spanjoll. Interi beson se mund t’i ofrojë Paz një rol më të rëndësishëm dhe po përgatit një ofertë prej 45 deri në 50 milionë euro për ta bindur atë dhe klubet përkatëse në këtë operacion të rëndësishëm të merkatos.